បញ្ជីឈ្មោះបេក្ខជនសម្រាប់ពានរង្វាន់ 2019 Globe Soccer Awards ត្រូវបានប្រកាសហើយ ដែលក្នុងនោះមិនមានឈ្មោះរបស់តារាបាល់ទាត់ក្លឹប Barcelona គឺកីឡាករ Lionel Messi នោះទេ។
បេក្ខជនកំពូល ៣រូបដែលមានឈ្មោះដណ្ដើមយកពានរង្វាន់កីឡាករឆ្នើមបំផុតប្រចាំឆ្នាំមានកីឡាករ Cristiano Ronaldo, Kylian Mbappe និង Antonie Griezmann
ឆ្នាំនេះជាឆ្នាំមួយដែលពោរពេញដោយជ័យជម្នះសម្រាប់ Mbappe ដែលបានជួយឲ្យក្រុមជម្រើសជាតិបារាំងឈ្នះពានវើលខាប់ ហើយក៏បានបង្ហាញទម្រង់លេងល្អនៅក្លឹប Paris Saint-Germain ផងដែរ។ គេក៏ជាបេក្ខជនដែលអាចនឹងឈ្នះពានរង្វាន់ Ballon d’Or នៅខែធ្នូផងដែរ។
Griezmann ក៏មានតួនាទីសំខាន់នៅក្នុងជ័យជម្នះវើលខាប់របស់ក្រុមជម្រើសជាតិបារាំងផងដែរ ដោយរកបានគ្រាប់បាល់ ៤គ្រាប់នៅទឹកដីរុស្ស៊ី។ គេក៏បានជួយឲ្យក្លឹប Atletico Madrid លើកពានយូរ៉ូប៉ាលីគផងដែរ។
រីឯ Ronaldo វិញ គេនៅតែអាចរក្សាបាននូវទម្រង់លេងល្អរបស់ខ្លួន ដោយបានជួយឲ្យក្លឹប Real Madrid ឈ្នះពានឆេមពានស៍លីគបង្គ្រប់ ៣រដូវកាលជាប់គ្នា មុននឹងផ្ទេរទៅលេងនៅក្លឹប Juventus កាលពីរដូវក្ដៅហើយនៅតែបន្តបំបែកកំណត់ត្រាជាច្រើននៅទីនោះ។
គេទើបតែបានខកខានឱកាសប្រជែងយកពានរង្វាន់កីឡាករឆ្នើមប្រចាំឆ្នាំរបស់ FIFA ដោយឈរនៅលំដាប់ទី២ បន្ទាប់ពីអតីតមិត្តរួមក្រុម Luka Modric។
ផ្ទុយទៅវិញ Messi បានខកខានឱកាសមួយនេះ ទោះជាគេលេងបានល្អនៅក្លឹប Barcelona ក្ដី។
បេក្ខជនសម្រាប់ពានរង្វាន់ផ្សេងៗទៀត ដូចជាគ្រូបង្វឹកឆ្នើម និងក្រុមឆ្នើមប្រចាំឆ្នាំក៏ត្រូវបានគេប្រកាសផងដែរ។
បេក្ខជនគ្រូបង្វឹកឆ្នើមប្រចាំឆ្នាំ៖ Zinedine Zidane, Didier Deschamps, Diego Simeone, Jurgen Klopp, Maximiliano Allegri
ក្រុមឆ្នើមប្រចាំឆ្នាំ៖ Real Madrid, Atletico Madrid, Liverpool
0 Comments