នៅពេលត្រូវអ្នកកាសែតសួរថាតើកីឡាករ Juventus ណាខ្លះដែលគេពេញចិត្ត Cristiano Ronaldo មិនត្រឹមតែឆ្លើយរឿងកីឡាករ Juventus ប៉ុណ្ណោះទេ តែថែមទាំងរាលដាលដល់ មិត្តរួមក្រុមរបស់ខ្លួននៅ Real Madrid ទៀតផង។
នៅក្នុងបទសម្ភាសជាមួយកាសែត Gazetta និងត្រូវបានសុំឲ្យលើកឈ្មោះមិត្តរួមក្រុមនៅក្លឹបបច្ចុប្បន្នដែលគេយល់ថាល្អនោះ Ronaldo បែជាសុំមិនចុចចំឈ្មោះមិត្តរួមក្រុម តែបាននិយាយដោយត្រង់ៗ ដោយបានលើកឡើងថា កីឡាករនៅក្លឹប Juventus លេងក្នុងស្មារតីជាក្រុមល្អជាងក្លឹបណាៗទាំងអស់។ “វាមិនសូវយុត្តិធម៌នោះទេ ក្នុងការចុចឈ្មោះប៉ុន្មាននាក់ថា ល្អ តែខ្ញុំអាចនិយាយបានថា នេះជាក្រុមដ៏ល្អបំផុតដែលខ្ញុំមិនធ្លាប់ជួប”។ “នៅទីនេះយើងគឺជាក្រុម នៅកន្លែងផ្សេង មានកីឡាករដែលមានយល់ថាខ្លួនឯង អស្ចារ្យជាងអ្នកដទៃ តែនៅទីនេះពួកគេគ្រប់គ្នាគឺស្ថិតនៅក្នុងកម្រិតជាកីឡាករស្មើគ្នា គឺពួកគេហ្នឹងន ហើយមានចិត្តចង់ឈ្នះការប្រកួតជានិច្ច”។
បន្ទាប់មកគេក៏បានរំលឹកដល់ក្រុមចាស់របស់ខ្លួន ដោយបានលើកឡើងថាកីឡាករនៅ Real Madrid ក៏ហ្នឹងនល្អដែរ តែក្លឹបអេស្ប៉ាញនោះមិនអាចធៀបនឹងក្លឹបដែលមានបរិយាកាសគ្រួសារដូចនៅ Juventus នេះបានទេ។ “ទោះពេល Dybala ឬ Mandzukic មិនអាចរកបានគ្រាប់បាល់ក្តី ក៏ពួកគេតែងតែ សប្បាយ ញញឹបជានិច្ច”។ “សម្រាប់ខ្ញុំ យល់ថានេះជារឿងល្អបំផុត ដែលខ្ញុំមើលឃើញថាមានភាពខុសគ្នា។ ទោះថានៅ Madrid គ្រប់គ្នាស្ងប់ស្ងៀម តែមិនអាចដូចទៅនេះទេ”។ “នៅទីនេះគឺខុសពី Madrid គឺទីនេះមានលក្ខណៈជាគ្រួសារជាង”។
Ronaldo ពេលនេះកំពុងបង្ហាញភាពលេចធ្លោរទៅ Juventus ដោយគេអាចរកបាន ១០ គ្រាប់ ពីការបង្ហាញខ្លួន ១៥ ប្រកួតក្នុងលីគ។ សំខាន់ជាងនេះទៅទៀត គេហាក់មានអំណរចំពោះគ្រាប់បាល់របស់មិត្តរួមក្រុមទៀតផង ហើយមើលទៅហាក់រីករាយក្នុងការបញ្ជូនបាល់ឲ្យមិត្តរួមក្រុម មិនត្រឹមតែស៊ុតខ្លួនឯងនោះទេ៕
Dig88sport
0 Comments