នៅពេលត្រូវបានមនុស្សយើងលួចស្រលាញ់ ចាប់អារម្មណ៍គឺជាអារម្មណ៍ដ៏រំភើបបំផុត តែផ្ទុយមកវិញ បើត្រូវគេមិនមើលដល់វិញគឺពិបាកទ្រាំខ្លាំងណាស់។ ដើម្បីកុំឲ្យគេមិនរវីរវល់ជាមួយ អាចប្រើតិចនិកខាងក្រោមបាន។
១. ប្រាស្រ័យទាក់ទងដោយភ្នែក
ជានិច្ចកាល លួចមើលគេប៉ុន្មានវិនាទី ហើយពេលគេមើលមកវិញចាំបែរមុខចេញ នឹងធ្វើឲ្យងឿងឆ្ងល់ចាប់អារម្មណ៍លើយើងវិញ។ តែត្រូវចាំថា មិនអាចសម្លឹងមើលយូរពេកនោះឡើយ បើមិនដូចនោះទេ គេនឹងគិតថាយើងជាមនុស្សចម្លែក។
២. ក្លាហានពេលនៅជាមួយគេ
មួយចំណុចទៀតនោះគឺមិនត្រូវអៀនប្រៀន ឬគេចវេះពេលនៅក្បែរនោះឡើយ ព្រោះទង្វើនេះនឹងធ្វើឲ្យកាន់តែមិនចាប់អារម្មណ៍នឹងអ្នកជាងមុនទៅទៀត។
៣. ស្លៀកពាក់ឲ្យបានស្អាត
នៅពេលដឹងថាមានឱកាសនៅក្បែរគេ គួរជ្រើសរើសយកសំលៀកបំពាក់ណាដែលស្អាតយកមកស្លៀកពាក់ដើម្បីទាក់ភ្នែកគេ។ ទោះជាយ៉ាងណាក៏ដោយ សំលៀកបំពាក់ស្អាតក៏ជាជំនួយមួយផ្នែកមិនតូចដែរ។
៤. បង្ហាញពីចំណុចខ្លាំងរបស់ខ្លួន
បង្ហាញឲ្យគេឃើញពីចំណុចល្អរបស់អ្នក។ ប្រសិនបើអ្នកមានស្នាមញញឹមស្អាត អ្នកគួរញញឹមឲ្យបានច្រើន។
៥. ធ្វើខ្លួនរវល់
មនុស្សមានទំនោររៀននូវអ្វីពីអ្នកដទៃដែលខ្លួនមិនចេះ។ ដូចនេះបើអ្នកធ្វើជារវល់ព្រោះណាមួយ នឹងធ្វើគេសង្កេតថាតើអ្នកកំពុងធ្វើអ្វីបានជារវល់មិនឈប់សោះ។
៦. ទាក់ទាញដោយក្លិនក្រអូប
ក្លិនទឹកអប់ ឬទឹកបាញ់ខ្លួនទាក់ទាញមនុស្សបានយ៉ាងងាយ។ ក្លិនទឹកអប់ដែលមានក្លិនស្រាលហើយជាប់បានយូរគឺជាជម្រើសដ៏ល្អបំផុត ជៀសវាងក្លិនទឹកអប់ណាដែលឆួលខ្លាំង ធំក្លិនហើយចង់ក្រពុលមុខ។
៧. បង្ហាញពីភាពកំប្លែង
មនុស្សដែលកំប្លុកកំប្លែងនឹងងាយទទួលបានចំណាប់អារម្មណ៍ជាងអ្នកស្ងប់ស្ងាត់ច្រើនណាស់។ យ៉ាងណាក៏ដោយ ត្រូវដឹងពីកម្រិតនៃការនិយាយលេង បើនិយាយហួសពេកនឹងធ្វើឲ្យយើងមើលទៅអត់អំណោយទាន៕
Article: Kanhasabay
By:LELE
0 Comments