អ្នកចាត់ការក្លឹប Tottenham Hotspurs លោក Mauricio Pochettino បាននិយាយកាលពីពេលថ្មីៗនេះថា លោកមានភាពជឿជាក់លើកូនក្រុមរបស់លោកថា អាចបំបាក់ក្រុម Barcelona នៅកីឡដ្ឋាន Camp Nou ហើយឡើងទៅវគ្គបន្ទាប់នៃ UEFA Champions Leauge។
Pochettino បានលើកឡើងថា៖ ” Barcelona ជាក្រុមល្អមួយក្នុងទ្វីបអឺរ៉ុប ហើយពួកគេមានកីឡាករល្អៗជាច្រើន។ ពួកយើងគោរពក្លឹបនេះដែរ ប៉ុន្តែយើងជឿថា យើងអាចឈ្នះ។ យើងត្រូវតែបញ្ចេញឲ្យអស់ពីសមត្ថភាពរបស់យើង ព្រមទាំងមានកម្លាំងកាយនិងស្មារតីល្អ ” ។
សូមបញ្ជាក់ផងដែរថា ក្លឹបអ្នកមានបុណ្យ Barcelona មិនដែលចាញ់ក្នុងដីរបស់ខ្លួនឡើយ នៅក្របខ័ណ្ឌកំពូលអឺរ៉ុប ចាប់ពីឆ្នាំ ២០១៣មក។
ក្រោយពីឈ្នះ Inter Milan ១-០ កាលពីយប់ថ្ងៃពុធ ក្លឹប Tottenham Hotspur កំពុងឈរលេខ ២ ហើយមាន ៧ពិន្ទុ ខណៈលេខ៣ បានទៅលើក្លឹប Inter Milan តែមាន ៧ពិន្ទុស្មើគ្នា។ ចំណែកឯក្លឹប Barcelona ឈរកំពូលតារាងដោយមាន ១៣ពិន្ទុក្នុងដៃ៕
By: LELE
0 Comments