តារាឆ្នើមរបស់ក្លឹបហង្សក្រហម Mohamed Salah បានរកគ្រាប់បាល់ជួយក្រុមរបស់ខ្លួនឡើងទៅវគ្គ ១៦ ក្រុមក្នុងការប្រកួត យូហ្វាឆេមពានស៍ និងបានក្លាយជាកីឡាករអាហ្វ៊្រិកដែលរកបានគ្រាប់បាល់ច្រើនជាងគេលំដប់ទី ៤ ក្នុងប្រវត្តិសាស្ត្រនៃព្រឹត្តិការណ៍នេះ ហើយដែលគេអាចនៅរកបានគ្រាប់បាល់ច្រើនទៀតទម្រាំដល់ចប់។
គិតត្រឹមជ័យជម្នះលើក្រុម Napoli ១-០ កាលពីយប់ថ្ងៃពុធ Salah រកបាន ១៦ គ្រាប់ឲ្យក្រុមនៅលីគកំពូលអឺរ៉ុប ច្រើនជាង កីឡាករខ្សែបយុទ្ធឆ្នើមរបស់ក្រុមកាំភ្លើងធំ Pierre-Emerick Aubameyang ដែលរកបាន ១៥ គ្រាប់ កាលលេងនៅក្លឹប Borussia Dortmund ដែលស្ថិតនៅក្នុងចំណោមកំពូលកីឡាកររកគ្រាប់បាល់របស់អាហ្វ៊្រិក។
គ្រាប់បាល់ថ្ងៃពុធនេះជាគ្រាប់ទី ១៤ របស់គេសម្រាប់ក្លឹបហង្សក្រហម ក្នុងព្រឹត្តិការណ៍នេះគិតចាប់ពីពេលគេបានមកចូលរួមជាមួយក្លឹបនេះ គឺស្មើនឹង វីរបុរសរបស់ក្រុមហង្សក្រហម Ian Rush ដែលមានតែកំពូលកីឡាករ Steven Gerrard ប៉ុណ្ណោះដែលរកបានគ្រាប់បាល់ច្រើនជាងគេសម្រាប់ព្រឹត្តិការណ៍ក្នុងប្រវត្តិសាស្ត្រក្លឹបដែលរហូតដល់ ៣០គ្រាប់ឯណោះ។
ម្រាប់រដូវកាល ២០១៨/១៩ នេះ Salah រកបាន ១៣ គ្រាប់ពីគ្រប់កម្មវិធីប្រកួតទាំងអស់ ហើយបើសរុបចាប់ពីចូលរួមជាមួយក្លឹបនេះ គេរកបាន ៥៧គ្រាប់ ក្នុងការបង្ហាញខ្លួន ៧៥លើក។
BY: Dig88sport
0 Comments